Малшадай гүрэнэй тэтхэмжэ абахань бэлэн болобо 2017 онсо энэ хэрэгтэ 18 сая түхэриг гаргагдаба. Иимэ тогтоомжо Буряадай засагай газар баталба.

Общество 13 декабря 2017, 17:53 1918
Малшадай гүрэнэй тэтхэмжэ абахань бэлэн болобо

Урдань тэтхэмжэ абахын тула малшад алба түлөөһэнэй үри үгы гэжэ саарһа харуулха ёһотой байгаа. Yреэ түлэжэ дууһаагуй хадань, субсиди гүрэнһээ үгтэдэггүй байба юм. Тэрэ эрилтые зөөлэрүүлхын тула Россиин гүрэнһөө Бурядай республика хэды дахин гуйһан байна. Энэ жэлһээ хойшо хуули ондоо болобо.  

Юлия Дагданова, Буряадай хүдөө ажахын сайдай орлогшо: Тэрээнһээ гадна мал бариха субсидинуудай ставкнууд үндэр болобо. Тиимэһээ нэгэ малшанда гаргагдаха мүнгэнэй дүн ехэ болохо байна.

Мүнөө гүрэнэй тэтхэмжэ 21 һүнэй ажахы абана. Ниитэдээ 2017 ондо 18 сая түхэриг гаргагдаһан юм. Газар эдлүүриин техникын болон технологиин талаар мүнгэ гаргагдаа, һү абаадха томо машинанууд абагдаба. Газар эдлүүриин талаар хүгжөөлтэдэ энэ жэлдэ 80 сая түхэриг гаргагдаа.  

- Бидэ үйлдэбэринүүдээ дэмжэжэ шадаабди, 127 машина болон техникэ абахын мүнгэ үгөөбди. Тэдэнэй тоодо томо худалдаа наймаа байгаа - 6 үбһэ хурайдаг комбайнгууд, 6 млн рублей түхэригһээ эхилдэг үнэнь. Гурбан «Кировец» машинанууд, һү зөөдэг машинанууд, ногоо хуряаха техника, - гэжэ сайдай орлогшо хөөрэбэ.

Yшөө нэгэ хубилалта хонидой талаар болоно. Урдань гансал нарин нооһотой хонишо барихада субсиди үгэдэг байгаа, харин мүнөө ямаршье нооһотой, үүлтэртэй хонишо барихада мүнгэ үгтэхэ болоно.  

2017 хүдөө ажахын талаар амитадые абахада 43  сая түхэриг республикын дансаһаа гаргагдаа. Энэ мүнгөөр 800 толгой мяханай үхэр, 92 толгой һүнэй үхэр мал абагдаа. Жэлэй дууһатарань 2 мянга толгой хонид абагдаха. 

Фото: pixabay.com 

29 марта