Хүүгэд шэнэ сэсэрлигүүдтэ хүмүүжүүлэгдэхэ Толгойлогшо Алексей Цыденов ажалай хэр ябуулагдажа байһые шалгажа, сэсэрлигүүдтэ хүрөө.

Образование 30 июня 2019, 14:07 2397
Хүүгэд шэнэ сэсэрлигүүдтэ хүмүүжүүлэгдэхэ

Алексей Цыденов “Болбосорол хүгжөөлгэ” болон “Демографи” гэһэн федеральна түсэлнүүдээр баригдажа байһан хүүгэдэй сэсэрлигүүдые хинаба, ажалай хэр зэргэ ябуулагдажа байһыень шалгажа, сэсэрлигүүдтэ хүрөө.

Июниин 14-дэ толгойлогшо Улаан-Үдын болон Ивалга аймагай 7 сэсэрлигүүдые ошожо хараба.

- Энэ жэлдэ үхибүүднай шэнэ сэсэрлигүүдтэ орохо, харин зарим байшангууд 2019 оной һүүлээр баригдажа дууһаха. “Демографи” гэһэн федеральна түсэлээр 24 сэсэрлиг ба һургуули бодхоогдожо байна. Хоеронь бэлэн болоһон, хорин хоеронь баригдажа байна. Бүри жаахан хүүгэдэй сэсэрлигүүд баригдана, жэл хахадһаа гурба наһа хүрэтэр, гурба наһанһаа долоо наһа хүрэтэр гээд. 2021 оной дүүрэтэр булта бодхоогдохоор хараалагданхай. Тэдэнэй хоёрынь һаяхана ашаглалгада тушаагдаа. Буряад Уласта хүүгэдэй сэсэрлигүүд болон һургуулинуудай барилга хэзээшье иимэ олоор эрхилэгдэжэ үзөөгүй юм, - гэжэ толгойлогшо тэмдэглэнэ.

“Демографи” гэһэн федеральна түсэлээр

Энэ жэлдэ 3 сэсэрлигэй барилга дүүрэхэ. Улаан-Үдэдэ Батожабайн гудамжаар 150 һууритай түб, тэндэ ООО "РТ" байгуулга хоердох дабхараа барижа эхилээ. Сентябрь һара соо дууһаха түсэбтэй гэжэ байгуулга найдуулна.

– Хурданиинь шухала бэшэ, харин шанарань үнэтэй. Заабол сентябрь һара соо бэшэшье һаа, харин арай һүүлдэ болоно. Эгээл шухалань, үндэр шанартай байха еһотой. Ехээр лэ бү мэндэгты-, гэбэ Алексей Цыденов.

Сотниководо барилга ехэ түргөөр ябана, 280 һууринтай сэсэрлигэй 2-хи дабхар «Шэнэ хото» компании бэлэн болгожо байна. Ивалга аймагай Хойто-Бэе һууринда һургуули болон сэсэрлиг ООО «Дом 2000-аар» һаял баригдажа эхилээ. Байшангууд дорохи газарынь лэ малтагдаад байна.

Яслиин барилга

2 һараһаа 3 наһа хүрэтэр “Болбосоролой хүгжөөлгэ” гэһэн хүүгэдтэ Толстихина ба Каландаришвили гудамжаар Улаан-Υдэ хотодо сэсэрлигүүд баригдана. Нэгэдэхинь бэлэн боложо байна – заһабари эхилэнхэй, хоердохинь дээбэриин ажалтай.

- Барилгын ябажа ябахада, мэндэхээр лэ байха. Шалгалтанууд ябагдаха. Сэсэрлигэй бэлэн болоогүй байхада, бэеэ һула табижа болохогүй юм. Мүн барилгашад ажалаа түргөөр ябуулжа байһанаа, Буряадай Толгойлогшодо харуулаа.
 

Дмитрий Медведевэй захяалгаар

Үнинэй хүлеэгдэһэн сэсэрлигүүд Ивалгын аймагай Гурульба, Улаан-Υдын Сокол һуурингуудта баригдажа эхилхэ.

Толгойлогшо мүн Хойто-Бэедэ ябагдажа байһан ажал хараба. ООО «Дом 2000» барилгын байгуулга геолоогиин хэрэгээ дууһажа, газарай ажалнуудтаа май һара соо ороо юм, харин үрдинэгүй юм. Газараа һаяал һэндэжэ эхилээд, буусыень табижа байна мүнөө. Толгойлогшо хурдан ажалаа дүүргэхыень сахуюлба.

- Бүхы ажал өөрынгөө сагтаа ябаха еһотой юм. Хэгдэһэн юумэн шанартай байха еһотой, харин хурдан ажалаа хэхэдэ баһал шухала юм. Хүүгэд эндэ хүмүүжүүлэгдэхэ юм, тиимэһээ шалгалта үндэртэй байха еһотой юм. Харин лэ саг сагтаа баһа. Бүхы хэрэгсэлнүүд сэбэр, экологиин эрилтэдэ тааруу байха еһотой юм. Ороходо, байхада дулаан, гое - гэжэ Алексей Цыденов, Буряадай толгойлогшо хэлэнэ.

Барилгын хэмжээ

2012 он хүрэтэр республика соо 22 шэнэ хүүгэдэй сэсэрлигүүд 5,6 мянга һуудалтай бии болохо еһотой. 6,3 млрд түхэригэй хэрэг.

2019 ондо “Болбосорол хүгжөөлгэ” түсэлөөр 3 байшан худалдажа абагдаха: Толстихина, Каландаришвили, Энергетик һуурингуудта. “Демографи” гэһэн федеральна түсэлөөр 1,5 жэлһээ 3 наһа болотор 12 сэсэрлигүүд баригдаха. 6-иинь Улаан-Υдэдэ энэ жэлдэ. Батожабайн гудамжаар, 115 и 111-хи тойрогто, Нарһан ойдо, Ивалгын Сотниково Хойтобэедэ. Яруунада 4 сэсэрлиг 2020 ондо дүүргэхэ. 2021 - мкрн Дивизионный ба Забайкальский.

Хажуугаарнь 7 һургуулиин урид ажал ябуулха эмхи абагдаха. 2019 ондо Загарайн Эрхириктэ, 102-хи һууринда болон Звездныйдэ. Ерэхэ жэлдэ Гурульба соо, 140а, 142 хи тойрогуудта, Соколдо.

2021 он болотор 11 һургуули баригдаха. 2019 оной һүүлээр 5 шэнэ һургуули неэгдэхэ. 2020 ондо баһал 5, мүн 2021 ондо 1. 5,2 млрд түхэриг энэ хэрэгүүдтэ гараха.

Тарбагатайн Доодо Саянтуй, Кабанскын Клюевка, Поселье, Хойтобэедэ, Загарайн Доодо Тальцыдэ, Түнхэнэй Аршанда шэнэ һургуулинууд баригдаха.

Улаан-Υдэдэ 33-хи, 49-хи, 25-хи һургуулинуудта нэмэгдэжэ барилга эхилхэ, 40-хи һургуули шэнээр баригдаха

29 марта