Буряад республика соо зайн галай үнэ үндэр болохогүй Тиигэжэ Буряад Уласай толгойлогшо Алексей Цыденов Москва хотодо үнгэрһэн хуралдаанай һүүлээр хэлэбэ.

Общество 23 сентября 2019, 13:04 1120
Буряад республика соо зайн галай үнэ үндэр болохогүй

Сентябриин 18-да Москва хотодо Алексей Самбуевич зайн галай асуудалнуудаар үнгэрһэн хуралдаанда оролсоо. Тэндэ Буряад республикын байдал ондоо болохогүй гэжэ шиидэгдээ юм – ажаһуугшадта мүн лэ олзын хэрэг эрхилэгшэдтэ үнэнь үргэгдэхэгүй. 

Хуралдаан Дмитрий Козагай - Россиин Засагай газарай түрүүлэгшын орлогшын хүтэлбэри доро үнгэрөө. Уулзалтын һүүлээр Алексей Цыденов Россиин энергетикын сайд Александр Новактай хөөрэлдөө. 

-  Хуралдаанай һүүлээр республикамнай зайн галай үнэ бага болгохо эрилтэнүүдые булта барина гэжэ үшөө дахин сайдта хэлээбди. Тиимэһээ байдалнай тиимэ үлэхэ, - гэжэ Алексей Цыденов хубаалсана.

Һануулая, Россиин захиргаанай тогтоолоор 2017 онһоо хойшо Буряад республика зайн галай бага үнэтэй нютаг можонуудай тоодо ороно. 

Иимэ шиидэбэри буряадай олзын хэрэг эрхилэгшэдтэ 25 процентээр үнэ бага болгохо боломжо үгөө. Иимэ байдал Россиин хорин нютаг можонуудта тогтобо.  Тиимэһээ бага зэргын үйлдэбэринүүдтэ 6,97-һээ 4,93 түх./кВтч (Росси соо 21-хи һуури), дунда зэргын - 5,62-һоо 3,93 түх./кВтч (Росси соо 15-хи һуури), томо үйлдэбэринүүдтэ  – 3,59 –һээ 2,84 түх./кВтч (10-хи һуури Росси соо).

2017 оной дүнгөөр республикын үйлдэбэринүүд нэгэ миллиард табан зуун сая түхэриг алмалба. 2019 ондо хоер миллиард найман сая түхэриг хүрэхэ гэжэ түсэблэгдэнэ. Тиимэһээ олон үйлдэбэринүүдэй ажалда энэ хэрэг һайнаар нүлөөлхэ гэжэ Алексей Цыденов тэмдэглэнэ. Озерно ГОК-эй барилга эхилхэ, Гусиноозерск хотодо тепличнэ холбоо баригдаха, шубуунай фабрика, гаалиин байшан. 

- Буряад республикамнай уһа суглуулха ажалтай, олон байгаалиин үйлдэбэринүүдтэ туһална. Тиимэһээ зайн галай үнэ шухала – Байгал далайн хамгаалхын асуудалтай холбоотой. Үйлдэбэринүүдэй бага түлбэритэй байхадань, экологиин асуудалнууд һайн шиидэгдэнэ, - гэжэ Буряадай засагай газарай олониитын танхим тэмдэглэнэ.  Һануулая, зайн галай түлбэри ажаһуугшадта 2,83 түх./кВтч гэһэн үнэтэй. Буряад улас Россиин эгээл бага түлбэритэй арбан нютаг можонуудай тоодо ороно – юһэдэхи һуурида.
29 марта