Зүүн зүгэй сэрэгэй тойрогой ахалагша генерал – полковник Геннадий Жидко, Буряад Уласай дэбисхэр дээрэ оршодог танкова нэгэдэлэй үбэлэй һуралсалай хаһа энэ үдэрһөө хойшо нээгдэбэ гэжэ мэдүүлээ.
Сэрэгшэдые энэ болотор олоһон дүршэлөө арьбадхан, олон шэнэ юумэндэ һурахыень, ерэхэ жэлдэ табигдаһан зорилгонуудаа тон һайн гэһэн сэгнэлтэнүүдээр тушаахыень, - тойрогой ахалагша амаршалха зуураа хэлэһэн байха юм.
2020-2021 оной һуралсалай үбэлэй халаанай нээлгын баяр ёһололой үедэ Буряад Уласай засагай газарай түрүүлэгшын орлогшо Пётр Мордовской хабаадалсаа.
- Үбэлэй һуралсалай үе сэрэгшэдтэ тон хүндэ гээшэ. Ушар юуб гэхэдэ манай шэрүүн уларилтай нютагта үбэлэй һуралсал гарахань тиимэшье бэлэн бэшэ. Мүнөө бидэ 5-хи танкова бригадын алба хаадаг газарта байнабди. Сэрэгшэдэй үбэлэй һуралсалай халаанай нээлгын баяр ёһололдо жэл бүхэндэ хабаададаг һайхан заншалтайбди. Таанад гансал һуралсалай, һорилгын үедэ шадабари мэдэсэеэ харуулна бэшэт, мүн лэ дайнай халуун газараар ябанат. Буряад Уласай Толгойлогшын амаршалгын үгэнүүдые дамжуулжа байхада ехэ баяртай байнаб, - гэжэ амаршалгын үгэ абахадаа Пётр Мордовской хэлэһэн байна.
Ерэхэ һуралсалай шэнэ жэлдэ сэрэгшэд олон ондоо мэргэжэлтэ бэлэдхэл гараха, буудажа бэеэ һорихо. Тэрэнэй хажуугаар 100 гаран элдэб янзын сагаалсын хэрэгсэлнүүд заһабарилагдаа. Тэрэ полигон дээрэ сэрэгэй элдэб томо машинануудһаа гадуур, сэрэгшэд гар буугаараа сагаалса буудажа бэеэ һорихо аргатай.
Зүүн зүгэй сэрэгэй тойрогто үе, үе болоод лэ иимэ сэрэгэй һургуули үнгэргэгдэжэ байдаг юм. Тиигэнгүй байхын аргагүй. Сэрэгэй мэргэжэлтэд нэгэ хүндэл адли бодожо табигдаһан зорилгонуудаа дүүргэхэ ёһотой хаямдаа.
Мүнөө үедэ дэлхэй дээрэ һүжэржэ байдаг зэбсэгтэ хёмороонуудые хараадаа абан сэрэгэй ахалагша хүтэлбэрилэгшэд һуралсалаа үнгэргэхэ гэжэ оролдонод. Манай нютагай дэбисхэр дээрэ алба хаажа байһан сэрэгшэд тус һуралсалаа баһал «һайн» «эрхим» гэһэн сэгнэлтэдэ дээрэ тушаажа байг лэ даа.
фото: пресс-служба правительства РБ
Telegram
TikTok
Youtube
ВКонтакте
Одноклассники
Twitter
RSS-лента
LIVE