Һургуулинууд болон сэсэрлигүүд шэнэлэгдэхэнь Юрэнхылэгшын түсэлэй аргаар һургуулин болон хүүгэдэй сэсэрлигүүдэй байшангууд шэнэлэгдэхэнь. Ерэхэ жэлдэ бэелүүлэгдэхэ түсэбтэ оронхой.

9-н һургуули 2 хүүгэдэй сэсэрлигүүд 2025 ондо шэнэлэгдээ. «Молодёжь и дети» гэһэн Үндэһэтэнэй түсэлэй аргаар һуралсалай эмхинүүдэй байшан шэнэлэгдээ. Эдэ бүхы ажал Ород Уласай Юрэнхылэгшэ Владимир Путинай үгэһэн даабаряар хэгдэнэ. Тодорхойлходо Улаан-Үдэ хотын №58-хи һургуули болон №52-хи Ая-ганга хүүгэдэй сэсэрлиг шэнэ байшан соо шабинараа угтахань.

-Заһабарилгын һүүлдэ бүхы юумэн гоё һайхан, һаруул сэлмэг болоо. Шэнэ хэргэсэлнүүдэй ашаар һонирхолтой хэшээлнүүд үнгэргэдэнэ. Эндэ өөрө багшалнаб, минии үхибүүн һурана. Гэртэхин болон багшанар нэгэдэжэ эндэ шэмэглэлгын ажал ябуулаабди, - гэжэ №58-хи һургуулиин англи хэлэнэй багша Bepa Жигмитoвa хэлэнэ.

Үшөө тиихэдэ №58-хи һургуулиин захирал Роман Леонтьев иигэжэ зугаална: Аяар 1936 ондо баригдаһан байшангай заһабарилгын һүүлээр 2 туалет бии боложо үгөө. Тэрэнэй хажуугаар хоол барилгын газарнай үргэдхэгдөө. Сэсэрлигэй байшан дотор бүхы шэмэглэлгэ үхибүүдээ Эхэ орондоо дуратайгаар хүмүүжүүлхэ хэрэгтэ зорюулагданхай.

2021 ондо «Единая Россия» намай ээлжээтэ хуралдаанай үедэ һуралсалай эмхинүүдэй байшангуудые заһабарилха тухай шиидхэбэри абаһан юм. Тэрэнь 2022 ондо бэелүүлэгдэжэ эхилээ, энэ хугасаада Буряад Уласта 92 байшангууд заһабарилгдаа. Ерэхэ жэлдэ Юрэнхылэгшын түсэлэй аргаар 35 һургуули болон 6 сэсэрлигүүд заһабарилагдаха.