Аяар 19-н багшанар хүдөө нютаг гаража багшалхань Буряад Уласта жэлэй туршада 19-н багшанар «Земский учитель» гэһэн түсэлөөр ажалда абтаба. Математика, ород хэлэн ба уран зохёолой, англи хэлэнэй, химиин, географиин болон физкультурын багшанар һургуулинуудта ошобо.

Юрэнхылэгшэ Владимир Путинай үгэһэн даабаряар Буряадтамнай «Земский учитель» гэһэн түсэл амжалтатай бэелүүлэгдэнэ. Байгша ондо 19, харин 2020-25 онуудта 118 багшанар хүдөөгэй һургуулинуудта ошожо ажалда оробод. Буряадһаа гадна Тыва Уласта, Үбэр-Байгалай хизаарта, Челябинск, Сыктывкар болон Эрхүү можодо багшанар хүдэлхэ болобо.

Тус түсэлдэ оролсоһон багшанар ехэнхидээ залуу мэргэжэлтэд. Мүнөө жэлдэ Шэнэ Элхиин хүдөө мэргэжэлэй лицейдэ БГУ дүүргэһэн Евгения Дондокова ерэбэ.

-2021 ондо дээдэ һургуулияа дүүргэхэ гэжэ байхадамни иимэ һайн түсэл байгуулагдаа. Благовещенск хотын 15-хи һургуулида хүдэлжэ дүршэлтэй болоод, «Хүдөө багша» гэһэн түсэлдэ хабаадаха гэжэ шиидэһэн байнаб. Зунай нэгэ үдэр: Шэнэ Элхиин хүдөө мэргэжэлэй лицейдэ ажаллаха болобод, - гэһэн мэдээсэл абхадаа ехэтэ баярлааб. Гэбэшье яһала олон асуудалнууд түрэжэ гараа. Ушарынь гэхэдэ би танигдаагүй газарта ажаллаха болобо ха юм биб, - гэжэ Евгения Дондокова хэлэбэ.

Багшанарай энэ түсэлдэ хабаадаһан зон ганса нэгэ дахин 2 сая түхэриг абана. Ехэнхи аймагуудта хүдэлхэеэ ерэһэн багшанарые гэр байраар хангана.