«Ута ба эдэбхитэй наһан» гэһэн үндэһэтэнэй түсэлэй «Элүүрые хамгаалгын эхин эмхинүүдые һэльбэн шэнэлэлгэ» гэһэн федеральна түсэлөөр Хойто Байгалай аймагай холын нютагуудай эмнэлгын газарнуудта шэнэ хэрэгсэлнүүд абтаа.
Ангоя һууринай фельдшерско - акушерскэ пункт болон Шэнэ Уоян һууринай эмнэлгын газар гинекологическа стулнуудаар, шала дээрэхи шэгнүүрнүүдээр хангагдаба. Һая түрэһэн нарайнуудта болон жэл хахад хүрэтэр хүүгэдтэ найман электронно шэгнүүрнүүд абтаа. Тэдэнь ФАП-ууд болон эмнэлгын амбулаторинуудта тараагдаха юм.
Тэдээнһээ гадна үндэһэтэнэй түсэлөөр аймагай эмнэлгын эмхинүүдтэ найман ЭКГКА-01 гэһэн нүүдэл электрокардиографууд дамжуулагдаа. Энэнь эмшэдтэ зүрхэһудаһанай системэ шэнжэлгэ хэхэ арга олгоно. Эмнэлгын хүдэлмэрилэгшэдэй ажалда зохид байхын тула эмүүдые, боолтонуудые зөөхэ больницын эмнэлгын тэргэнүүд, мүн вакцина хадагалха хоёр фармацевтическэ холодильник худалдажа абтаа.
«Ута ба эдэбхитэй наһан» гэһэн үндэһэтэнэй түлэбэй «Элүүрые хамгаалгын эхин эмхинүүдые һэльбэн шэнэлэлгэ» гэһэн федеральна түсэлөөр эмнэлгын эмхинүүдэй материально-техническэ бааза бэхижүүлжэ, хүн зондоо эмнэлгын туһаламжын шанар һайжаруулха талаар ажал саашадаа ябуулагдаха.
Telegram
TikTok
Youtube
ВКонтакте
Одноклассники
Twitter
RSS-лента
LIVE