АНО «Содействие» гэһэн эмхиин захирал Дамдин Болотовай хэлэһээр, август һараһаа һайн дуратанай түбэй талаһаа ороһон 26 мэдүүлгэнүүдые хараһан байна. Иимэ түбтэ оёдолой машина болон бүд дамжуулагдана. Тэдэнэр халхалабша, хүнжэлнүүдые, үмдэхэ хубсаһа, һуухадаа дэлгэхэ хэрэгсэлнүүдые оёжо сэрэгшэдтэ эльгээнэ.
«Содействие» эмхи хадаа буряадайнгаа бүхы аймагуудта хүдэлжэ байһан һайн дуратай түбүүдтэ туһаа хүргэнэ.
- Бидэ гүрэнэй эмхинүүдтэй хүдэлдэг гээшэбди. Тиимэһээ манай ажаябуулга тон хизаарлагдамал. Мүнөөдэрэй байдалаар 6,5 сая түхэригтэ туһаламжа үзүүлээбди. Гаргашаяа бага болгохо гэжэ хэрэгтэй юумэнүүдээ сэхэ үйлэдбэрилэгшэдһээнь худалдажа абанабди, - гэжэ Дамдин Болотов хэлэбэ.
«Содействие» эмхиин мэргэжэлтэд һайн дуратанай эмхинүүдтэ яажа мэдүүлгэнүүдээ бэшэхэб гэжэ заажа үгэнэ. Мэдүүлгэ орохоһоо ажалай бүтэхэ болоторонь дунда зэргын 21-н үдэр үнгэрдэг.
- Сэрэгэй тусхай хэмжээ ябуулгын боложо байһан газарһаа аяар 7000 мянган модоной зайда оршонобди. Тиигэбэшье Воронеж, Белгород хотонуудай һайн дуратанай түбүүдэй ажалнуудһаа балай хойнтоногүйбди. Суглуулһанаа эльгээхэ хэрэгтэмнай Улаан-Үдын захада байгуулагдаһан авиаполк ехэ туһална. Жэшээнь мүнөөдэр юумэ абаад тэрэнээ үглөөдэр сэрэгшэдтэ дамжуулха аргатайбди, - гэжэ Дамдин Болотов хэлэнэ.
Telegram
TikTok
Youtube
ВКонтакте
Одноклассники
Twitter
RSS-лента
LIVE