Буряадай ажаһуугша «Мастера гостеприимства» гэһэн мүрысөөнэй илагшадай тоодо ороо «Россия – страна возможностей» гэһэн юрэнхылэгшын платформын «Мастеры гостеприимства» гэһэн түсэлэй гранд-финал согсологдоо.

«Россия – страна возможностей» гэһэн юрэнхылэгшын платформын «Мастеры гостеприимства» гэһэн түсэлэй гранд-финал согсологдоо. 28 хабаадагшад уласай аяншалгын гол мүрысөөнэй дүрбэдэхи хаһада ехэ финалистнуудай тоодо ороһон байна. «Аяншалгын һалбарида шэнэ нээлтэ» гэһэн шэглэлээр Буряадай Юрий Битуев илагшадай тоодо ороо. «Болбосорол» гэһэн үндэһэтэнэй түсэлэй аргаар «Ниитын үргэлтэ хүн бүхэндэ» хэмжээ бэелүүлэгдэжэ байна.

Ородой Холбоото Уласай 43 можо нютагуудһаа 107 хүндэ – «Аяншалгын һалбариин хүтэлбэрилэгшэд» болон «Аяншалгын һалбарида нээлтэтэй һанамжанууд» гэһэн шэглэлээр финалистнуудта даабаринууд үгтбэ. Нэгэдэхи шэглэлээр мүрысэгшэд уян нугархай шадабари болон мэргэжэлэй дүй дүршэл сэгнэхэ талаар мэргэжэлтэдтэй гүнзэгыгөөр хөөрэлдэһэн, мүн бүлэгөөр болон гансаараа үнгэргэгдэһэн сэгнэлтын хуралдаанда хабаадаһан байна. Тэдэнэр даабариин ёһоор тусхай түсэл мүн бизнес-кейс зохёохо байгаа.

«Аяншалгын һалбарида шэнэ нээлтэ» гэһэн шэглэлэй финалистнууд түсэлэй кураторнуудтай сэхэ харилсаха онсо арга боломжотой байба. Нэмэжэ хэлэхэдэ, тэдэ богонихон саг соо һанал бодолоо дурадхаха ёһотой байгаа, мэргэжэлтэд иимэ гурбан шэглэлээр сэгнэһэн байна: танилсуулгын шадабари,  бизнесэй арга боломжо, һүүлээрэнь бүхы тээһээнь сэгнэһэн байха юм.

Мүрысөөнэй дүнгүүдээр Буряад Уласай түлөөлэгшэ,  ООО «ВИАРТУР» гэһэн эмхиин захирал Юрий Битуев эрхимэлжэ гараба.

Юрий Битуевай зохёоһон түсэл хадаа Байгал шадарай нютагай аяншалгын һалбариин бүхы арга боломжонуудые харуулһан талмай болоно. Тэндэнь орожо зочид буудал захиха, аяншалга, эдеэ хоол захиха, аудио-танилсалга гэхэ мэтэ юумэнүүдые хараха аргатай.

«Ород Улас – арга боломжын гүрэн» гэһэн Юрэнхылэгшын байгуулһан түсэл хадаа, нэн түрүүн, аяншалгын талаар дүй дүршэлөөрөө, һанамжануудаараа андалдалга болоно. Тус түсэл можо нютагуудай аяншалгын арга боломжонуудые тоб байса харуулна. Тус мүрысөө эмхидхэгшэдтэ баяр хүргэнэб. Аяншалхадаа олон шэнэ юумэ мэдэхэ болонобди, һонин юумэ хаража үзэнэбди, - гэжэ Юрий Битуев хэлэнэ.

Түсэлэй дүрбэдэхи хаһада илагшад  мэргэжэлээ дээшэлүүлхэ грантнуудта хүртэхэ, мэргэжэлээ дээшэлүүлхэ аргада хүртэхэ.