Хүнгэлэлтэтэй ипотека Сэрэгэй тусхай хэмжээ ябуулгада хабаадажа ябаһан зоной гэр бүлэ, 14 наһа хүрэтэр үхибүүдые хүмүүжүүлжэ байһан гэртэхин хүнгэлэлтэтэй ипотека абаха гурим шэнэлэгдэхэнь.

Энээн тухай Юрэнхылэгшэ Владимир Путин Госсоведэй суглаанай дүнгөөр Засагай газарай мэргэжэлтэдтэ даалгаһан байна.

- 2024 ондо 533 мянган дүрбэлжэн метр гэр байра барижа тушаагаабди. Мүнөө Юрэнхылэгшын даабаряар сэрэгшэдтэ мүн тэдэнэй гэр бүлэдэ хүнгэлэлтэтэй ипотека хараалагдахань. Ажаһуугшадайнгаа ажабайдал һайжаруулха талаар ажал хэгдэнэ, - гэжэ барилгын болон гэр байрануудые хангалгын талаар Буряад Уласай яаманай сайд Александр Маренич хэлэнэ.

Сэрэгэй тусхай хэмжээ ябуулгада хабаадаһан сэрэгшэд мүнөө дээрэ «Алас Дурна зүгэй», «Хүдөө нютаг» гэһэн  хүнгэлэлтэтэй 2 ипотека абаха аргатай. В.Путинай даабаряар тэдэнэр «Гэр бүлын ипотека» гэһэн түсэлдэ оролсохо болобод.

Энэ түсэлэй бэлэдхэлгын ажалай дүүрэжэ хүсэндөө ороходонь энэ урьһаламжын гурим үргэдхэгдэхэ, июниин 15-най һүүлээр бүхы юумэн эли болохо.