«Хэн хөөрэлдэнэб тэдэнэр хөөрэлдэжэл байгты», - гэжэ Алексей Цыденов хэлэбэ Буряад хэлэ сахин хүгжөөлгэдэ ямар ажал хэгдэжэ байhан тухай Уласай Толгойлогшо хөөрэбэ.

Буряад хэлэ сахин хүгжөөлгэдэ ямар ажал хэгдэжэ байhан тухай Уласай Толгойлогшо хөөрэбэ. 

-Ажал ходол хэгдэнэ, мүнгэн hомологдоно. Буряадаар хөөрэлдэхэ талмай үргэдхэгдэнэ, түрэл хэлэеэ үзэхэ классууд  нээгдэнэ. Түрэл хэлэн гэhэн шэглэлээр буряад хэлэ үзэхэ дуратай үхибүүд олшорно. Тиихэдэнь бидэ таатай оршон зохеожо үгэнэбди. Байгша ондо Яндекс оршуулагша ажаллажа эхилбэ. Хэмэл оюун ухаанай «бодолдо» 100 мянган мэдүүлэлнүүд оршуулагдажа нэбтэрүүлэгдээ. Энэ талаар ажал үргэлжэлүүлэгдэнэ. үшоо хүнэй дуу гараад асуухада харюу үгэжэ байхаар оршуулга уншагдана. Эдэ бүгэдэ ажал дүүргэхэдээ буряад хэлэ сахиха талаар аhан ехэ хүдэлмэри бүтэбэ гэжэ хэлэхэ аргатайбди, - гэжэ Алексей Цыденов хэлээ.

Түрэл хэлэ хүгжөөхэ талаар олон түсэлнүүд хүдэлдэг юм. Жэшээнь, хүүгэдэй сэсэрлигтэ хүмүүжүүлэгшэ үхибүүдээр буряадаараа зугаалжа байбалынь, салиндань нэмэлтэ мүнгэн түлэгдэдэг гэжэ Алексей Самбуевич нэмэбэ.Буряад хэлэ юрын хэшээлдэ хэдышье үзөөд ябаба тэрэ хадуугдахагүй. Түрэл хэлэеэ мэдэхэ зон залуу зоноор хөөрэлдэжэ байха хэрэгтэй гэжэ онсолбо.

- Teлeвидeни байна,  мyльтик харуулна. Хэды тиибэшье гэртэхинэй хүсэн шанга. үхибүүдээрээ гэртээ хөөрэлдэжэ байбалнай хэлэмнай хүгжэхэ, - гэжэ Толгойлогшо хэлэбэ.