Хаана оршоhон хүүгэдэй сэсэрлигүүдтэ туhаламжа үзүүлэгдэхэб гэжэ Буряад Уласай Толгойлогшо хөөрэбэ Буряадтамнай hүүлэй жэлнүүдтэ 46 сэсэрлигүүд баригдаа.

Муниципальна сэсэрлигүүдэй үгы газарнуудта үмсын иимэ эмхинүүдые гүрэн дэмжэхэ болоно.

- Мүнөөдэрэй байдалаар гүрэнэй сэсэрлигүүдтэ 1000 гаран сүлөө hури байна. Тиимэhээ үхибүүд муниципальна сэсэрлигтэ ошохо аргатай hэн хойнонь үмсын эмхинүүдтэ туhаламжа хүргэхэ аргагүйбди. Хэрбэеэ гүрэнэй сэсэрлигтэ сүлөө hуури үгы байбалынь, али тиимэ сэсэрлиг ажалладагүй hаань бидэ тэдхэмжэдэ хүртүлхэ еhотойбди. Хоер тээшэнь гаргаша болгожо байха эрхэгүйбди, - гэжэ Алексей Цыденов хэлэбэ.

Буряад Уласай Толгойлогшо Алексей Цыденов ноябриин 15-да аяар 2 сагай туршада сурбалжалагшадай болон ажаhуугшадай асуудалнуудта сэхэ дамжуулгада харюусаба. Дамжуулгын эхиндэ 1800 гаран асуудалнууд бүридхэгдөөд байба.

Харгын сэбэрлэлгэ, «Yльгэр» театрай байшан заhабарилга, Yдэ гол дээгүүр баригдажа байhан 3-хи хүүргэ, шэнэ автобусууд, хойто аймагууд руу ниидэхэ хүнгэлэлтэтэй биледүүд болон Ошурковын захада баригдахаар түсэблэгдэhэн ГОК тухай сэдэбээр асуудалнууд табигдаа.