Сэрэгэй тусхай үйлэ хэрэгүүдтэ хабаадажа, эрэмдэг бэетэй болоһон ветерануудай гэрнүүд руу интернет татагдаха Буряад Уласай Толгойлогшо Алексей Цыденов ноябриин 15- да аяар 2 сагай туршада сурбалжалагшадай болон ажаhуугшадай асуудалнуудта сэхэ дамжуулгада харюусаба.

Сэрэгэй тусхай үйлэ хэрэгүүдтэ хабаадажа, эрэмдэг бэетэй болоһон ветерануудай гэрнүүд руу интернет татагдаха.

- Сэрэгэй тусхай үйлэ хэрэгүүдтэ хабаадажа, эрэмдэг бэетэй болоһон ветерануудай гэрһээ гарахань бэрхэшээлтэй. Тиимэһээ тэдэнэй гэрнүүдые интернедтэй болгохо программа байгуулая. Ветерануудай гэрнүүдые WiFi-тай гү, али интернет холбоотой болгохо хэрэгтэ туһалхабди,- гэжэ Буряад Уласай Толгойлогшо Алексей Цыденов хэлэбэ.

Яруунын аймагай Тэлэмбэ һууринай ветеранай наһанайнь нүхэрэй видео-хандалгын һүүлээр энэ асуудал шиидхэхэ тухай. Ниигэмые хамгаалгын талаар яаманда мүн унаагай, элшэ хүсэнэй болон харгын ажахын талаар яаманай мэргэжэлтэдтэ ажал ябуулхыень уласай Толгойлогшо даабари Угэбэ.

Буряад Уласай Толгойлогшо Алексей Цыденов ноябриин 15- да аяар 2 сагай туршада сурбалжалагшадай болон ажаhуугшадай асуудалнуудта сэхэ дамжуулгада харюусаба. Дамжуулгын эхиндэ 1800 гаран асуудалнууд бүридхэгдөөд байба.

Харгын сэбэрлэлгэ, «Yльгэр» театрай байшан заhабарилга, Yдэ гол дээгүүр баригдажа байhан 3-хи хүүргэ, шэнэ автобусууд, хойто аймагууд руу ниидхэ хүнгэлэлтэтэй биледүүд болон Ошурковын захада баригдахаар түсэблэгдэhэн ГОК тухай сэдэбээр асуудалнууд табигдаа.