Улаан-Үдэ хотодо ТОС-уудай фестиваль үнгэрхэнь Эрхимүүдтэнь энгэрэй тэмдэгүүдые зүүлгэхэ.

Тэдэнэр бүхы бэрхэшээлнүүдээ өөһэдынгөө хүсөөр шиидхэдэг. Амжалта туйлаһан, ниитын ажалда шалгарһан эдэбхитэдые энгэрэй тэмдэгүүдээр шагнаха. Фестиваль ноябриин 25-да болохонь. Хотын ажаһуугшадые болон айлшадые эмхидхэгшэд энэ хэмжээ ябуулгада урина. Түрүүшын ТОС-ууд 25-н жэлэй саада тээ байгуулагдажа эхилһэн юм. Мүнөө иимэ ниитын нэгэдэлнүүдэй тоо Буряад Уласта 2,5 мянга гаран тоологдоно.

-Фестиваль боложо байхадань удхатай, һонирхолтой хэмжээ ябуулганууд харуулагдаха. Улаан-Үдэ хотын 3 ТОС-ууд шагнагдаха. Нэрлэбэл «Плoщaдкa», «Cвeтлый» болон «Coлдaтcкий» гэһэн ТОС-ууд болоно. Байгша ондо энэ фестиваль Эсэгэ ороноо хамгаалагшадай жэлдэ зорюулагдана. Хамтын нэгэдэлэй гэшүүдэй өөрынгөө гараар бүтээһэн зүйлнүүд наймаалагдаха. Сэрэгэй тусхай хэмжээ ябуулгада хабаадажа байһан сэрэгшэдэ Гурбалжан бэшэгүүдые бэшэжэ һургаха, - гэжэ Засагай газарай мэргэжэлтэн Туяна Плотохонова хэлэнэ.  

Эндэ сугларһан мүнгэн зөөри сэрэгшэдтэ туһаламжа болгон эльгээгдэхэ. Энэ хэмжээ ябуулга хүүгэдэй болон эдиршүүлэй ордон соо боложо үнгэрхэ.