Олзын хэрэг эрхилһэн сэрэгшэн Сэрэгэй тусхай хэмжээ ябуулгада хабааджа ерэһэн ветеран Николай Коневин олзын хэрэг амжалтатай эрхилнэ.

Хурамхаанай аймагта ажаһуудаг энэ ветеран, дайнай газарта алба хаажа байһан сэрэгшэдтэ шадаха зэргээрээ туһална.

Олон үхибүүдэй эсэгэ олзын хэрэг эрхилнэ. Сэрэгэй тусхай хэмжээ ябуулгада татагдахаһаа урид тэрэ шиномонтаж тайлаад хүдэлжэ байгаа. Тэндэһээ табигдажа ерээд, урид хэжэ байһан ажалаа үргэлжэлүүлээ. 2012 ондо түрүүшын мастерской тайлаад, саашадаа хүгжэ хүгжэһөөр авто унаануудые заһабарилха газар, заһабарилгын болон барилгын хэрэгсэлнүүдэй хамжаан байгуулаа. Найдамтай гэрэй эзэн өөрынгөө үхибүүдтэ һайн жэшээ харуулжа, бүхыгөөрөө оролдодог. Гэрэй эгэшэ басаган Дарья аймагай болон уласай хэмжээнэй олимпиадануудта амжалтатай хабаадажа түрүү зэргэ ябадаг. Бага басаган Софья абаяа һажаажа тамирай талаар бэеэ һоридог. 

Николай Коневинай эмхи үүсхэлээр «Бoeвoгo бpaтcтвa» нэгэдэлэй Кубогто хүртэхын түлөө волейболоор мүрысөөн Хурамхаанда 2-хи жэлээ эмхидхэгдэнэ. Тэрэнэй байгуулһан эмхи сэрэгшэдтэ туһаламжа үзүүлнэ, тиишээ ошохо автомашинануудые заһабарилна.