Сэрэгэй тусхай хэмжээ ябуулгада ябаhан ветерануудые эмнэхэ, элүүржүүлхэ түб Буряад Уласта баригдахань Энэ барилгада 2026 ондо эхилхэ барилгада 217 сая түхэриг үгтэбэ.

hүүлэй үеын эрилтэтэ таарама элүүржүүлгын түб баригдаха 7 можо нютагуудай тоодо Буряад Уласнай оролсобо. Энээн тухай хэлсээндэ Ростех, «Эсэгэ ороноо хамгаалагшадай» жаса болон Буряад Уласай Засагай газар гэгшэд гар табибад. Шэнэ үеын эмнэлгын хэрэгсэлнүүдые хэрэглэн сэрэгэй хэмжээ ябуулгада гэмэлтэhэн зондо хэмэл хүл, гар бүтээхэ арга олгогдохонь. Гайхамшагта барилга Юрэнхылэгшын үгэhэн даабаряар мүн тэрэнэй харгалзалга доро эмхидхэгдэхэ. Алас Дурна зүгэй тойрогто үгтэдэг мүнгэнэй аргаар барилга ябуулагдаха.

-Эмнэлгэдэ хэрэгтэй хүбүүднай гэрhээ холо ошонгүй, шанар hайтай арга абажа байха болоно. Ветеранууд тамирай талаар hорилго хэхэ, хэмэл гар хүлөө хүдэлгэжэ hураха, – гэжэ Буряад Уласай Толгойлогшо Алексей Цыденов хэлэбэ.

Иимэ эмнэлгын болон элүүржүүлгын түбүүд Mocква, Ижeвcк, Caнкт-Пeтepбypг, Oмcк хотонуудта ажаллана. hаяын сагта Apxaнгeльcк, Eкaтepинбypг, Hижнeм Hoвгopoд, Эрхүү, Pязaнь болон Eвpeйн aвтoнoмито можодо нээгдэхэ.  2027 он болотор бүхыдөө иимэ 25 түб байгуулагдаха. 2022 онhоо эхилээ ЦИТО – до 7000 мянганhаа үлүү зон хэмэл гар, хүл табулава, тэдэнэйнь 30 % оньhото түхеэрэлгэтэй.