Улаан-Үдэдэ «Абын табан эрдэм-2026» гэһэн мүрысөөнэй дүнгүүд соносхогдоо Уласай 22 һургуулинуудһаа 100 гаран хабаадагшадые болон айлшадые тэрэ нэгэдүүлээ.

Улаан-Үдэ хотодо буряад хэлэн дээрэ үнгэргэгдэһэн «Абын табан эрдэм-2026» гэһэн мүрысөөнэй дүнгүүд соносхогдоо. Уласай 22 һургуулинуудһаа 100 гаран хабаадагшадые болон айлшадые тэрэ нэгэдүүлээ.

Тус мүрысөөн абанарта зорюулагдажа, түрэл хэлэеэ сахин хамгаалха, бэлигтэй үхибүүдые дэмжэхэ зорилготойгоор үнгэргэгдэдэг юм.

Хабаадагшад шүлэгүүдые уншажа, зурагуудые бэлдэжэ, абанар тухайгаа зохёоһон түлэблэлгэнүүдээ хамгаалаа. Гадна эгээн олон оньһон, хошоо үгэнүүдые мэдэдэг эрхимүүд элирүүлэгдээ, буряад арадай наадануудшье оролсоо.

Ниитэ багын тоосоондо Н.С. Сосоровой нэрэмжэтэ Сагаатайн дунда hургуули гол шагналда хүртѳѳ. Туруушын hуурида В.С. Мункинай нэрэмжэтэ Хэжэнгын 1-дугаар лицей гараба. 2-дохи һуури Буряадай үндэһэтэнэй 1-дэхи лицей-интернад эзэлээ. 3-дахи һуурида Д.Ж. Жанаевай нэрэмжэтэ Хориин 1-дэхи дунда һургуули гараа. Илагшад шангуудаар, грамотануудаар шагнагдаа.