«Демография» гэһэн Үндэһэн түсэлэй гаршаг доро арад зомнай өөртөө ажал зохёожо үмсын хэрэг эрхилнэ. Улаан-Үдэдэ ажаһуудаг Инга Буянтуева ВСГУТУ-дэ һуража гарахадаа оёдолшоной мэргэжэлтэй болоһон юм. Һүүлэй жэлнүүдтэ хари гүрэндэ мэргэжэлээрээ хүдэлжэ байхадаа нютагаа бусаха байна гэжэ шиидэһэн байна.
-Улаан-Үдын ажаһуугшадые ниигэмэй талаар хангалгын хүтэлбэриин зүгһөө 2022 оной намар мүнгэн туһаламжада хүртэһэн байнаб. Тиигэжэ байхадамнай сэрэгэй тусхай хэмжээ ябуулга эхилээ бэлэй. Өөрын ажал зохёоһон хүн хадаа нютагайнгаа сэрэгшэдтэ туһалха гэжэ шиидээб. 2022 оной сентябрь һараһаа декабрь болотор һайн дураараа ажаллабди. Танил түрэлнүүдни бүд болон оёдолой хэрэгсэлнүүдээр хангажа байгаа. Олон зон манай цех ерэжэ оёдолой ажал хэлсээ. Бултадаа шадаха зэргээрээ туһалһан байна, - гэжэ Инга Жамбаловна хэлээд үшөө иигэжэ нэмэнэ: байгша оной эхинһээ эхэнэрнүүдэй хубсаһа оёжо эхилээбди. Захил хэгшэд олошоржо байна, ажал хэрэг яһала урагшатай.
Гэр бүлэдөө олон хүүгэдтэй айлнуудта өөрын ажал зохёохо гээшэнь яһала бэрхэтэй даа.
-Соцконтракт гэһэн түсэл тон хэрэгтэй гүрэнэй туһаламжа болоно. Танил басагамни энэ түсэлөөр массаж хэжэ байха таһагтай болоо. Зхибүүдни томо боложо байна, тэдэнээ энэ ажалдаа дахуулнаб, - гэжэ оёдолшон Инга Жамбаловна хэлэнэ.
Telegram
TikTok
Youtube
ВКонтакте
Одноклассники
Twitter
RSS-лента
LIVE