«Хамаагүй бү байгты!» Сэрэгэй алба хаажа байһан хүбүүдтээ мүн тэдэнэй гэртэхиндэ туһалхыень арад зоноо Алексей Цыденов уряалба.

«Хамаагүй бү байгты!». Сэрэгэй алба хаажа байһан хүбүүдтээ мүн тэдэнэй гэртэхиндэ туһалхыень арад зоноо Алексей Цыденов уряалба.

- Сэрэгэй алба хаажа байһан хүбүүдтэ, гэртэхиндэнь шадаха зэргээрээ туһа үзүүлжэ байха хэрэгтэй, - гэжэ Буряад Уласай Толгойлогшо «ProДФО «Все для Победы!» гэжэ нэрлэгдэһэн хүмүүжүүлгын форумай үедэ үгэ абахадаа хэлэбэ. Энэ түсэл «Медиакадемия» гэжэ нэрлэгдэһэн хэмжээ ябуулгын гаршаг доро үнгэрбэ. «Гибридная война» гэһэн шэглэлтэй уулзалга Алас дурнын тойрогто Юрэнхылэгшын бүрин эрхэтэ түлөөлэгшын орлогшо Григорий Куранов нээһэн байна.

Буряад Уласай Толгойлогшо сэрэгэй тусхай хэмжээ ябуулгын гол зорилго тухай хөөрэбэ, Буряадаймнай арад зоной нэгэдэжэ ажаллаһан, сэрэгшэдтэ туһа үзүүлһэн тухай мүн лэ мэдээсээ.

- Буряадаймнай нютаг бүхэнэй ажаһуугшад туһа хүргэнэ. Олон юумэн хэгдэнэ, тиигэбэшье үшөө ехэ ажал урдамнай хүлеэнэ. Энээндэ анхарал хандуулхыетнай уряалнаб, хажуу тээһээ хараад бу байгты! Мүнөө энэ хуралдаанда үлэжэ ерэһэн шалтаг гэхэдэ, Баатарай үхэлөөр унаһан сэрэгшын нүхэртэй уулзажа хөөрэлдөөб. Ямар бэ даа сэрэгшэнэй гэртэхиндэ, түрэл гаралдань туһа хэрэгтэй болоболынь заатагүй туһалха хэрэгтэй. Сэрэгэй тусхай хэмжээ ябуулгын эхилхэһээ сасуу Буряад Уласай һанһаа 2,7 млрд мүнгэн шэглүүлэгдээ. Үшөө саашадаа туһалха арга боломжо бэдэржэ байхабди, - гэжэ Буряад Уласай Толгойлогшо Алексей Самбуевич хэлэбэ.