Сагаан Дара эхын һургаал

Уласхоорондын хэмжээнэй Будаадын номнолой хуралдаанай үмэнэ Улаан-Үдэ хотодо Сагаан Дара эхын һургаал боложо үнгэрхэнь. Бисалгалай, мүн ута наһа үршөөгшэ Сагаан Дара эхын һургаал «Дружба» гэһэн Соёлой болон тамирай ордондо августын 4-дэ үнгэргэгдэхэ.

Хотын ажаһуугшад болон айлшад нангин мандал бүтээхэдэнь ерэжэ, хабаадалсаха аргатай. Гадна Сагаан Дара эхын, ута наһанай Цэдо һургаал шагнажа, гол хэмжээ ябуулгануудта оролсохо. Удаань мандал тараагдажа, тэндэ сугларһан зондо үнгэтэ элһэн хубаагдаха.

Дамба-Даржаа Заяаевай нэрэмжэтэ «Даша Чойнхорлин» гэһэн Буддын шажанай дээдэ һургуулиин ректор, габжа лама Дымбрыл Дашибалданов Будаадын һургаал тухай, ухаан бодолоо яажа гүйлгэхэб гэхэ мэтэ һонирхолтой сэдэбээр һонин хөөрөө дэлгэхэ. Сагаан Дара эхэ бурхамнай ута наһа үршөөдэг, бэрхэшээлнүүдые усадхадаг, сэдьхэлэйнгээ хүлгөө дарахада туһалдаг гурбан бурхадай нэгэниинь юм.

Уласхоорондын II Будаадын шажанай хуралдаан августын 12-14-эй үдэрнүүдтэ Буряад Уласай ниислэл Улаан-Үдэ хотодо үнгэргэгдэхэ юм гээд һануулая. Бандида Хамба ламын тушаалай байгуулагдаһаар 260 жэлэй ойн баярта дашарамдуулан, энэ ехэ удхатай хэмжээ ябуулга үнгэргэгдэнэ.

0+