Бүгэдэ Буряадай «Алтаргана – 2026» нааданда бэлэдхэл эхилбэ. Буряад Уласай Засагай газарта, Уласхоорондын XVI «Алтаргана – 2026» нааданай эмхидхэгшэдэй суглаан үнгэрнэ.
Тус хуралдаанда Монгол, Хитад гүрэнэй, Эрхүү можын болон Үбэр-Байгалай хизаарай түлөөлэгшэд хабаадалсана. Гадна, ерэһэн айлшад мүрысөөнэй болохо талмайнуудые ошожо харана.
Буряадай Толгойлогшо Алексей Цыденовэй тэмдэглэһээр Ород Уласай арадуудай нэгэдэлэй жэлдэ Алтаргана фестивальнай үнгэрхэнь. Буряад Улас Алтаргана нааданиие үндэр хэжээндэ эмхидхэхэ бэлэн байна.
Фестиваль Улаан-Үдэ хотодо болон Ивалгын аймагта июлиин 1-5 үдэрнүүдтэ болохо. Ганса хүршэ можо нютагуудһаа 700-аад хабаадагшад ерэхээр түсэблэгдэнэ.
-500 хүн Үбэр-Байгалһаа мүн 200 хабаадагшад Эрхүү можоһоо буухань. Тамирай зүйлнүүдһээ гадна 18-н уран һайханай мүрысөөнууд түсэблэгдэнхэй. Энэ нааданда анха түрүүшынхиеэ Сууха хуур болон Суур дээрэ наададаг хүгжэмшэд, тэрэнэй хажуугаар «Нютагай бүжэг» хатаршад болон монгол бэшэгэй уран биирэтэн эрхимүүдээ элирүүлхэ. «Алтаргана» нааданай һүлдэ медаль зохёогдожо соёл уралиг, тамир, эрдэм ухаанай һалбарида амжалта туйлаһан түрүү зоноо шагнаха юм, - гэжэ соёлой сайд Соёлма Дагаева хэлэбэ.
Telegram
TikTok
Youtube
ВКонтакте
Одноклассники
Twitter
RSS-лента
LIVE