Буряадай һээршэдэй ээлжээтэ «Алтан Мундарга» фестиваль эрхим хэмжээндэ үнгэржэ түүхын хуудаһанда оробо. Хэдэн зуугаад тамиршад сугларжа хэдэн мянгаад һээрнүүдые хухалба гээшэ.
-Анха түрүүшынхиеэ туршажа үзэхэдөө хухалааб, гайхалтай. Удаань баһа туршадаг һэм, заримдаа тудаха заримдаа болохогүй. Харин эгээл түрүүшын һээрээ мүнөөшье болотор һананаб. Арадай нааданууд һэргэжэ байхадаа нэн түрүүн һайн гээшэ, хоёрдохёор арад зониие нэгэдүүлһэн найр болоходоо эрхим. Манай хүсэн – нэгэдэл! – гэжэ Буряад Уласай Толгойлогшо Алексей Цыденов хэлэбэ.
Баргажанһаа гарабалтай хүбүүн «Алтан-Мундарга» нааданай илагша боложо тодороод шүүгшэдэй алдууһаа дахин тэмсээндэ гараһан байна. Хоёрдохиёо Захааминай аймагай Амур Гончиковтай тулалдахадаа шүүгдэбэ. Амур Гончиков тус нааданай 2-р удаа абарга боложо тодорбо.
-Һээр хухалха шадабаритай хүбүүдэй хүн бүхэниинь илажа абаргын хубсаһа үмдэхэ хүсэлэнтэй. Сэрэгшэ уг гарабалаймнай шуһан наадажа, хүбүүдэймнай һүр һүлдэ үргэгдэнэ. Һээр хухалхадаа хүн гээшэ нэн түрүүн өөрөө өөртэйгөө тэмсэнэ. Зохсоохиёо диилэбэл – бүхые диилэхэ аргтай ха юм, - гэжэ «Һээр хухалха» федераци ударидагша, арадай наада һэргээн бодхоохо эдэбхитэдэй нэгэн Гомбо Зурбаков хэлэнэ.
Telegram
TikTok
Youtube
ВКонтакте
Одноклассники
Twitter
RSS-лента
LIVE