Һайн дуратан сугларжа үдэр бүхэн сэрэгшэдэй үмдэхэ, хэрэглэхэ юумэнүүдые оёнод. Түмэр каска доро үмдэхэ малгайнууд, хүйтэн газар дээрэ һуухагүйн түлөө дэлгэхэ талбаг, шархатаһан зониие тэлэжэ гаргаха зөөбэри гэхэ мэтэ хэрэгсэлнүүд бүтээгдэнэ. Тус нэгэдэлэй гэшүүдтэ Буряад Уласай Толгойлогшо Алексей Цыденов һайниие хүргэбэ.
- Эндэ хүдэлжэ байһан хүн бүхэндэтнай һайниие хүргэнэб. Эмхидхэгшэ Денис Леоновые онсо тэмдэглэмээр. Энэ хүмнай эгээл түрүүлэн иимэ ажал эрхилһэн зоной нэгэн болоно. Захил ороходонь хэрэгтэй юумэнүүд бүтээгдээд эльгээгдэнэ. Өөһэдынгөө талаһаа бидэ али болохоор танай ажал дэмжэхэбди. Мүнөөдэрэй байдалаар Буряад Уласай һанһаа иимэ туһаламжада 400 сая гаргашалгдаад байна. Буряадаймнай ажаһуугшад хамтын ажалда оролсожо нигүүлэсхы сэдьхэлэй үйлэ хэжэ байһандань бахархамаар, - гэжэ Алексей Цыденов тэмдэглэбэ.
Һайн дуратанай нэгэдэл 2022 оной нажарай эхин һарада ажалаа ябуулжа эхилһэн юм. Тэрэ гэһээр яһала ехэ ажал хэгдэжэ, хэрэгтэй олон юумэн эльгээгдээ.
- Сэрэгэй тусхай хэмжээ ябуулгын эхинһээ ажалланабди. Бидэнэй туһа яаха аргагүй хэрэгтэй даа. Ямаршье асуудалаар Алексей Самбуевичта хандахадада шадаха зэргээрээ туһалдаг, - гэжэ һайн дуратанай нэгэдэлэй түрүүлэгшэ Денис Леонов хэлэнэ.
«Золотые руки ангела» гэһэн нигүүлэсхы сэдьхэлэй нэгэдэл Ород Уласай 90 хотонуудта ажаллана.
Telegram
TikTok
Youtube
ВКонтакте
Одноклассники
Twitter
RSS-лента
LIVE